Mucha pa Mucha

Nos vishon: Kuido ekstraordinario pa mucha ekstraordinario.

E meta di e Fundashon Mucha pa Mucha ta pa duna e pashènt di mas chikí i mas vulnerabel e mihó kuido dunando e nèt un tiki èkstra. Pasobra e ta posibel.

Meta

Mucha ta vulnerabel. E mucha ku ta malu ta mas vulnerabel. Ta un trouma pa un mucha ora e mester wòrdu interná den hospital, i tin bia e ta mas pisa pa su mayornan.

Danki Dios e kuido di salú na Kòrsou ta bon. E enfermeranan i dòkternan ta bon eduká, tin tur konosementu ku mester, i ta traha di dia i anochi pa kura e mucha ku ta malu.
Danki Dios tin tur material básiko na Sint Elisabeth Hospital: remedi, infus, aparato pa yuda ku respirashon, etc.

Ku e fundashon di Mucha pa Mucha nos ke duna e pashèntnan nèt e pida èkstra ei durante nan kuido, i pa hasi nan estadia den hospital agradabel. No ta bai pa e entretenamentu (kos di hunga, programa diario, cliniclown, etc.) pa e muchanan. Nos tin esei kaba. Ta bai pa kumpra e aparatonan i material ku ta netamente p'e kuido di e pashènt, i ku lo wòrdu usa huntu ku e kuido básiko i ku danki na ménos intervenshon ku ta wòrdu hasi aworakí, ta hasi e kuido di e mucha agradabel.

Hospital nobo

E hospital aktual ta bieu kaba. Nos tur sa esei. I lo dura un poko promé ku e hospital nobo bin. Wardando riba esaki nos por siguí duna e èkstra kuido tur esten, kumprando material ku ta duna e kuido di e mucha mas balor. Di mes ta bai pa material mobil ku por bai e hospital nobo kuné, i ku por wòrdu usa pa añanan largu.

Material

Ehèmpel di invershonnan ta e transcutane bilirubinemeter i e Buzzybuz.
E transcutane bilirubinemeter ta un aparato ku ta midi via e frenta, si e yu ta hel, ya nos ta prek e yu ménos òf no mester prek mes. I si nos mester prek tòg, nos ta usa e Buzzybuz; esaki ta un aparato ku ta trel i vèrdof e kueru, ya e yu no ta sinti e doló di prek. Asina tin vários aparato útil ku ta hasi e kuido normal di e mucha agradabel.

Invershonnan grandi ta por ehèmpel mashin di respirashon nobo ku tin nèt mas posibilidat ku esun stándart. òf un banki pa kontrolá , no un laf ku papel riba dje pero den forma di un bestia amigabel. Finalmente e mobilario amigabel aki mester hasi e estadia di e mucha den hospital soportabel.

Bo por yuda nos suavisá e doló i molèster di e pashènt vulnerabel aki dor di hasi nos departamentu di mucha aktual, awor i den futuro un departamentu "state of the art", kaminda nos por keda duna e kuido altu den un ambiente agradabel.


J.E. Wieringa
Kinderarts i.o.
St Elisabeth Hospitaal, Curaçao

M. Manshande
Kinderarts / coördinerend medisch hoofd
vakgroep Kindergeneeskunde
St Elisabeth Hospitaal, Curaçao