Mucha pa Mucha ta rekoudá fondo, pa medio di spònser, fundraising i evenemento, pa hasi e departamentu di mucha di Hòspital St. Elisabeth di Kòrsou mas dushi pa mucha, i pa duna e muchanan ku ta malu, un kuido èkstra ordinario. Ta e intenshon pa muchanan sano, rekoudá fondo pa esnan ku ta malu, pa medio di diferente aktividat: "Mucha pa Mucha".
E fundashon Mucha pa Mucha a wòrdu funda na òktober 2014 dor di hendenan di departamentu di mucha mes: Enfermera, dòkter i personal pa sostené (e.o. kolaborador pedagógiko) a tuma e inisiativa bunita aki. Pa duna e pashènt mas vulnerabel nèt e kuido èkstra ku nan meresé!
Na momentu ku bo sostené e fundashon Mucha pa Mucha, bo sa presis unda e sèn ta bai: e personal na boka di trabou mes a skohe kua material i fasilidat ta nesesario pa e departamentu di mucha. Ademas ta nan sa mihó kon por krea un ambiente dushi pa mucha tòg? E fundashon Mucha pa Mucha ta transparente tokante e gastunan. E wepsait aki ta mustra kua material i aparato ta nesesario, kuantu e ta kosta, i pa medio di un "geldthermometer" kuantu entretantu a wòrdu kompilá, i kuantu sèn falta. Tur miembro di Mucha pa Mucha ta traha boluntariamente, i kada florin òf euro ta bai direktamente pa departamentu di mucha i ningun otro kaminda.
Pues: Bo tambe ta haña ku muchanan den Hòspital St. Elisabeth ta meresé e mihó kuido? Bo tambe ta haña ku e estadia di un mucha den hospital mester ta ménos troumatiko posibel? Bo tambe ta haña ku departamentu di mucha na Kòrsou mester ta un ambiente agradabel pa e mucha? Sostené nos i hasi bo donashon via di e wepsait òf partisipá na nos evenementonan di fundraising.
Pasobra e muchanan den un hospital meresé un kuido èkstra ordinario den un ambiente dushi pa mucha!